0%
10.0
ترقبوا عودتنا بقوة مرة أخرى انتظرونا


شاطر
استعرض الموضوع السابقاذهب الى الأسفلاستعرض الموضوع التالي

(وانها لكبيرة الا على الخاشعين)

#1
avatar
نورالدين

ذكر

العقرب

عدد المساهمات : 267

نقاط النشاط : 9079

التقييم : 0

تاريخ الميلاد : 03/11/1995

تاريخ التسجيل : 30/03/2013

العمر : 21

احترام قوانين المنتدى100%
في الأحد 31 مارس 2013, 11:29 am
(وانها لكبيرة الا على الخاشعين)
البنات ايلي بيقولو الصلاة صعبة علينا ..بصراحه معاكم حق ...لانكم مخشعتوش
انا هبدأ اهو بس قبل ما ابدأ عايزاكي متقريش بعينك بس!!!
جربي تقري بقلبك...صحصحي قلبك كده وفوئيه ويلا بقى
اول حاجة هنتكلم فيها
يعني ايه خشوع يابنات ؟
يوووه بقى يانسمة بلاش ملل من اولها ماحنا عارفين
خشي في الموضوع
حاضر بس خلوني اقولكم ببساطه ان اساس الخشووع في قلبك
يعني تحسي ان قلبك منكسر ذليل ...اكيد كلنا عارفين حرقة القلب
لما تحسي الاحساس دا فخلاص مبروك انتي عرفتي توصلي للخشوع
شايفين البساطه

طيب قبل ما اقولك ازاي تخشعي وازاي توصلي للاحساس دا ايلي في قلبك
الاول لازم تعرفي اهمية انك تخشعي ايه يعني؟؟؟
لانك لو عرفتي بجددددد هتوصلي للخشوع بسهولة
انتي عارفه انك اول ماتقفي وتنوي الصلاة وتقولي (الله اكبــــــر)
بمجرد ما تقوليها ربنا بيقبل عليكي
فاهمه يعني اييييييييييه ربنا الملــــــــــــــــــــــك بيبصلك دلوقتي واقف قدامك..متخليه دي؟
معلش يعني متزعليش مني في الكلمة دي بس احنا اييييييييه علشان ربـــــــــنا يبصلنا ويقبل علينا وكمااااااااااااااان يرد علينا في صلاتنا يعني كأنك بتكلمي ربنا
تخيلي كل دا بيحصل اول ما تقولي الله اكبر وتصلي
شوفي الحديث دا وقولي هتحسي بايه
قال رسول الله {لا يزال الله عز وجل مقبلا على العبد وهو في صلاته ما لم يلتفت، فإذا التفت انصرف عنه} وقد سئل رسول اللهعن الالتفات في الصلاة فقال: {اختلاس يختلسه الشيطان من صلاة العبد} [رواه البخاري]
يعني ايه الكلام دا؟؟
يعني يابنات زي ما قولتلكم اول ما تقولي الله اكبر ربنا بيقبل عليكي علشان يرد عليكي في صلاتك
لو عينك بس راحت كده ولا كده
او قلبك سرح عن الصلاة
خلاص انتي كده التفتي عن صلاتك وكده الشيطان سرق صلاتك منك ونجح وتفوق كمان ..ومتستنيش من ربنا يستمر في اقباله عليكي
شوفتي عملتي كام حاجه بسبب سرحان في حاجه مش مهمه وحتى لو مهمه فمش اهم من الصلاة
بالله عليكي مش مكسوفه ..ربنا بيبصلك !! وانتي بتبصي ومشغوله مع حاجه تانيه خالص!!!!!
اسمعي ربنا بقى سبحانه وتعالى بيقولك ايه لما يلاقيكي انتي مشغوله في صلاتك مش مركزة:
ءالى خير مني؟ (يعني بيندهلك بيقولك سرحتي فين روحتي ف ايه اهم مني؟)
اوجدت لك اله غيري؟
اوجدت من يرحمك خير مني؟
ءاقبل عليك وتقبل انت على غيري؟؟؟

يااااااااااااااااا الللللللللللللللللللللللللللللللللله
تخيلي ربنا بيقولك الكلام دا يعني بيندهلك بيقولك يافلانه ركزي معايا انا

ها حاسه بايه؟؟
مكسوفه ولا فرحانه ولا مندهشة ولا ايه
حسيتي يعني ايه صلاة؟ وانها مش مجرد حركات روتينيه بتعمليها وخلاص علشان تخلصي !!!

الرسول عليه الصلاة والسلام كان بيستنى وقت الصلاة بفارغ الصبر وكان بيقول لسيدنا بلال:ارحنا بها يابلال
ياترى احنا او معظمنا بنقول ايه:ارحنا منها!!!! مع كل اسف في ناس بتصلي علشان تأدي واجب بسرعه كده ويخلصوا بيقولوا اصلي واخلي علشان امارس حياتي!!!!
بالله عليكي ...كام صلاة في حياتك صلتيها وقدرتي تخلي ربنا ميصرفش وجهه الكريم عنك؟!
والله العظيم في ناااااااااس بيتسببوا ان ربنا يصرف عنهم وجهه الكريم من قبل ما يبدئوا يقولوا الله اكبر اصلا
لان حتى كلمة الله اكبر بتطلع منهم وعقلهم مركز في حاجات تانيه وقلبهم متعلق بناس تانيه
اوووووووعي تقولي كلمة الله اكبـــــر من غير ماتكوني حساها لان ربنا هيقولك انتي كداااااااااااابة
الله اكبر معناها مفيش في حياتي اكبر منك يارب

طب انتي عارفه ان في حديث بس ضعيف بيقول فيما معناه ان الصلاة بتدعي على او لصاحبها...يعني لو ضيع صلاته(والضياع هنا مش معناه انه ميصليهاش لا معناه كمان انه صلاها بس ضيعها لانه ساهي عنها) الصلاة بتدعي عليكي وتقولك ضيعك الله كما ضيعتني...واذا حافظتي عليها وبخشوع بتقول حفظك الله كما حفظتيني
الحديث ضعيف اه بس احنا لسه هنستنى لما نتاكد اذا كان ضعيف ولالا
طالما اتقال يبقى في شك ان الكلام دا بيحصل
افرضي بيحصل فعلا.. صلاتك تدعي عليكي!!! هي ناقصه


طب تعالي شوفي النماذج دي كده واضحكي هههههههه ...... بس اووووعي تكوني منهم:
فيه ناس لما تيجي تصلي تقولك انا هخطف بس 4 ركعات وجاي بسرعه!!! وبعد الصلاة يقولوا ياسلام عليا عملت انجاااااااااااااز صليت في دقيقة ونص بس برافو عليا والله هحاول بقى المرة الجايه اصلي في دقيقة !!!

وفيه بنااااااااااات لما تيجي تصلي تقف قدام المرايا متعرفيش ليه!!!

وفيه بناااااااااااات وشباب برده لما ييجو يصلوا يعلو صوت التليفزيون علشان مش قادرين يغيبوا عن مسلسل ولا ماتش كورة واهم بالمرة يتابعوا المسلسل وهما بيصلوا !!!

وفي بنااااااااات تكون بتصلي وعينها تقع على مكان في الارض مثلا مش نضيف فيقولوا في سرهم لما اخلص صلاة هنضفه !!!!

وفي بناااااااااات يكون وراها معاد مثلا واتاخرت عليه بس لسه مصلتش فتقولك انا هصلي بسرعه كده واخلص وطول ما هي بتصلي عينيها في الساعه و عقلها وقلبها في المعاد ايلي رايحاه!!!

وفي ناااااااااس تكون بتصلي عادي كويس وييجي ابنهم ولا بنتهم يعملوا حاجه غلط تخيلوا رد فعلهم بيكون ايه؟
بيعلوا صوتهم في الصلاة وكأنهم يعني كده بيزعئوا ههههههههههههههههههههههههههه

وفي نااااااااس مش بيلحقوا يحطوا راسهم في الارض اصلا ويسجدوا متعرفيش بيلحقوا ازاي يقولوا سبحان ربي الاعلى 3 مرات!!!
وناس وناس وناس

ها ضحكتي؟؟؟؟
لقيتي نفسك فيهم؟
طب بالله عليكي لو لقيتي نفسك فيهم او حاسه انك ممكن تبقى منهم في يوم من الايام
لأ
استني كده اعملي لنفسك فرمللللللللللللة وقولي ستووووووووووووووووب مش هعمل دا تاني ومن اول صلاتي الجايه هحس يعني ايه ربنا واقف قدامي بيكلمني باصصلي بيندهلي سامعني
مين فينا يابنات معندهاش هم؟
انتي بتقولي ايه يانسمة دا كلنا مهمومين او مخنوقين او حد مدايقنا او حد ظالمنا او حد جارحنا او هنموووت ونفرح
طب ولما انتو كل دول...بتعملوا ايه لما تحسوا بالخنقه والهم والملل؟
ايلي بتسمع اغنيه/ايلي تقوم ترقصلها شويا تفك خنقتها /ايلي تتصل بصاحبتها تفضض/ايلي بتقعد تلعب جيمز على الكمبيوتر/ايلي بتطلع غلبها في اهلها او جوزها او عيالها وتتنرفز عليهم وتكرههم في عيشتهم
صح يابنات؟
قلييييييييييييييييل اوووووووووووي ايلي بتقوم تهرب من همها دا وترميه على ايلي خالقها
صلي اسجدي عيطي لربنا احكيله فضفضي ايلي جواكي بتحكي لبشر ليه هيعملولك ايه
احكي لربك ايلي ابتلاكي وبكلمة دعاء منك ودمعه قادر يرفع عنك البلاء دا ويديكي ايلي انتي عيزاه في لحظه
حسسسسسسسسسسسي بمعنى الصلاة بجددددددددددد
شوفي ابن القيم قال ايه:في القلب خوف وقلق لا يذهبها الا الفرار الى الله
اذا فرح الناس بالدنيا فافرح انت بالله واذا انس الناس بالدنيا فاأنس انت بالله ..لا تسئم من الوقوف على بابه ولو طردت ..ولا تقطع الاعتذار ولو رددت ..فاذا فتح الباب للمقبولين فادخل دخول المتطفلين.. وابسط يدك على بابه وقل له مسكيييين فتصدق عليّ

طيب خلاص بقى يانسمة فهمت انتي عايزة تقولي ايه خشي بقى في المهم وقولي اعمل ايه علشان اخشع؟
هقولك كذا نقطه تعمليها وبكده غصب عنك هتلاقي نفسك خشعتي:
1/ترديد الاذان...
الاذان بيأذن اهو قولي زي ما بيقول المؤذن ولما يقول حي على الصلاة حي على الفلاح قولي لا حول ولا قوة الا بالله
وبعد الاذان قولي الدعاء المعروف اوله(اللهم رب هذه الدعوة التامة...)
وبعد ما تقولي الدعاء عايزة تدعي ادعي(الدعاء بين الاذان والاقامة لا يرد)

2/قومي اتوضي
استني رايحه فين؟
لازم تعرفي تتمتعي بالوضوء
اتمتع ايه يانسمة دا الجو تلج اصلا وبستحمل الميا بالعافية
ياحبيبتي ماهو كله بثوابه زي ما بيقولوا يعني كل دا حسنااااااات ليكي احتسبيها عند ربنا
اتمتعي بوضوئك مضيعيش على نفسك الاحساس دا..لما تغسلي ايدك فشوفي ذنوبك وهي خارجه من ايدك مع الميا...مش هتشوفيها بعينك بس تخيليها هتشوفيها
شوفي ذنوبك وهي خارجة من عينك لو مكنتش غضيتي نظرك في موقف معين
ذنوبك خارجه من فمك اهي شيفاها...ايوة فمك!! عايزة تقنعيني انك اعده مغتابتيش حد ولا نميتي على حد!!!
ذنوبك خارجه من رجلك شعرك اذنك ...عيشي الاحساس دا واتمتعي بيه هتفرحي اووووووي

3/ااااااااااااه جينا للصلاة بقى
استني ياقمر متصليش
بصي كده المكان ايلي هتصلي فيه نضيف؟ /لبسك انتي اصلا نضيف؟ /ريحتك حلوة؟/(يقول الله(يابني ادم خذوا زينتكم عند كل مسجد وكلوا واشربوا)الاعراف 31
المسجد هنا يابنات كلمة عامه مش مقصود بيها المسجد المسجد يعني..لا.... المسجد هو المكان ايلي الانسان بيصلي فيه عموما

نسمة بقولك ايه انتي بدئتي تخرفي ايه علاقه لبسي وريحتي والكلام دا بخشوعي؟
والله العظيم له علاقه كبيرة اووووووي
هقولك ليه
لو انتي مثلا بتصلي في مكان مش نضيف او ريحتك مش حلوة او لبسك ضيق او المكان ايلي انتي فيه حر اوي او برد اوي او حواليكي دوشة ...حالتك النفسية هتبقى عامله ازاي؟ من غير ما تحسي اقسم بالله هتلاقي نفسك قرفانه اصلا ومخنوقه ومضطرة تصلي لان ربنا عايز كده هتعملي ايه يعني!!!

انما تعالي بقى لو المكان هاااااااااادي/الجو فيه معتدل/ريحتك حلووووة/مكان السجود نضيف
حالتك عامله دلوقتي ايه؟ مش احسن؟ حاسة براحه نفسية من قبل ما تصلي اصلا
دانتي رايئه يانسمة ازاي اصلي في مكان هادي وطول الوقت البيت دوشة او الشارع او او!!
اقفلي على نفسك الباب
خرجيهم برا
ادخلي انتي مكان مفيهوش حد واقفلي الباب برده ولو فيه ترباس او مفتاح اقفليه كمان علشان محدش يدخل
والله العظيم انا شخصيا اعرف بنت مثلا تكون بتصلي ..الاقي اختها او اي حد من البيت داخل عليها يقولها بقولك ايه لما تخلصي صلاة تعاليلي!!!!
ايه يابنات الكلام دا...ينفع؟
محدش بيقدر الحرمانية ايلي بيقع فيها لما يشوشر على المصلي...فتجنبا لكل دا اقفلي على نفسك وريحي دماغك شويا منهم
فبالتالي لما هتبدئي في الصلاة هتبقى فعلا حاسة ومركزة بوجود ربنا قدامك

4/ اووووعي تصلي وانت جعانة او عطشانه او عايزة تدخلي التواليت مثلا
لانك هتلاقي نفسك في الصلاة بتصلي بسرعه بلهوجه علشان تاكلي او تشربي بعد الصلاة

5/يلا هتبدئي صلاة وتقول الله اكبـــــــــــــــر
وفعلا يبقى الله اكبر من اي حاجه شغلاكي او مأخراكي عن الصلاة او اي حد بيقولك صلي بسرعه يلا متسمعيش لحد متخليش الشيطان يسرق صلاتك

6/حاولي على اد ما تقدري تنوعي في السور الصغيرة ايلي بعد الفاتحه
يعني مش اي سورة واقلب
لا.. قولي مثلا قبل ما تصلي في سرك انا هقرا سورة كذا وكذا في الصلاه دي
اقريهم بتدبر براااااااااااااحه محدش بيجري وراكي

7/ابوس ايدك اوعي تلتفتي بعينك هنا ولا هنا والاهم اوعي تلتفتي بقلبك يعني تفكري ف حد واوعي تلتفتي بعقلك زي ايلي بتقول ياترا هناكل ايه انهارده ياترى الطبيخ ايلي ع النار اتحرق ولا لسه وتقعد تتخيل حكااااااااااايااااااااات متجيش ف بالها غير وقت الصلاة...طبعا ماهو الشيطان بيسرقها منك ولا انتي هنا

8/لازم تدي لكل حركة من حركات الصلاة حقها
عند الركوع اركعي كده بهدوء وقولي سبحان ربي العظيم ...حسيييييييييييييييها
ولما تقفي من الركوع قولي:الحمد لله كما ينبغي لجلال وجهه وعظيم سلطانه..انتي مش متخيله ربنا بيحب الصيغه دي ازاي..لدرجه ان بنا طلب من الملائكه محدش يكتب ثوابها ووعد ايلي يقولها انه هيوريله ثوابه في الاخرة من كتر ماثوابها كبيييييييييير
اهم حركة...السجوووووووووووود...باااااااااااااااس انتي في اللحظة دي قريبة اووووووووي من ربنا يلا فرصتك جت معقول مصممه تضيعيها ..معقول معندكيش طلب تطلبيه من ربنا؟؟؟؟..اطلبي وعيطي واتذللي
لو عملتي كده لامحالة لا محاله ربنا هيستجيبلك
مش يمكن دي تكون اخر سجدة وربنا يرفعك بيها مبااااااااااااشرة للجنة

انا كده خلصت كلامي يابنات
والواجب انك هتوصلي للخشوع وديما حطيها قدامك انك انتي ايلي محتاجه لربنا مش هو ايلي محتاجلك ومع ذلك بيندهلك لما تلتفتي في صلاتك
سبحانك يارب

حاجه اخيرة..البنوتة فاطمة الزهراء جزاها الله كل خير عملتلنا جدول جميل اوي يريحنا للصلاة ماعليكم غير انكم تحطوه في برنامج الرسام وتحطوه مع كل صلاة درجتكم
او ايلي عندها برينتر ممكن تطبعه
او ايلي مش عاجبها لا كده ولا كده ممكن تعمل زيه معاها في ورقه وتخليها معاها
انا عايزة اريحكم..مش عايزة حجه او عذر بالله عليكم
احنا دلوقتي صفحتنا بيضا والملايكة حوالينا وبنحارب الشيطان اوعو تستسلموا



معلش حاجه اخيرة بجد المرادي...للاسف للاسف بعد كل دا لسه في بنات مش قادرين على الشيطان خصوصا في صلاة الفجر
وانا زعلانه اني اقول كده
بس عندي اقتراح يمكن ينفع معاهم : لما المنبه يرن والشيطان يقولك لالا نامي نامي وابدئي من بكرا وخلاص
لو قلبك طاوعك وسمعتي كلامه فعلى الاقل خلي عينك مطاوعكيش وتغمض وتخيلي لما تغمضي عينك وتوشفي ضلمة تخيلي ان يوم القيامه بسبب تاخيرك للصلاة وخصوصا صلاة الفجر هيبقى عقابك انك هتبقى في وادي اسمه وادي الويل
دا وادي مظلم جداااااااااااااااااا كله تعابين وعقارب وحيات
غمضي بقى عينك براحتك واحلمي بالوادي دا وشوفي هتحسي بايه من الرعب

يعلم ربنا انا تعبت ازااااااااااي في الموضوع دا بالذات فارجوكم بلاش احس ان تعبي في الارض لما الاقيكم مستسلمين لحالكم

اسال الله العظيم رب العرش العظيم ان يهديكم ويقوي ايمانكم ويثبت قلوبكم
سبحانك اللهم وبحمدك اشهد ان لا اله الا انت استغفرك واتوب اليك

رد: (وانها لكبيرة الا على الخاشعين)

#2
avatar
Dr.AsheK

ذكر

الحمل

عدد المساهمات : 1131

نقاط النشاط : 10529

التقييم : 2

تاريخ الميلاد : 19/04/1998

تاريخ التسجيل : 24/03/2013

العمر : 19

الموقع : E G Y P T

احترام قوانين المنتدى100%
في الخميس 06 يونيو 2013, 12:10 am
شككرآ لكك
آبدععت صديقى
سلمت آنآملكك وآآًصل

رد: (وانها لكبيرة الا على الخاشعين)

#3
avatar
Pr!NcE MoDy

بصمة خالدة
ذكر

الدلو

عدد المساهمات : 1292

نقاط النشاط : 10641

التقييم : 2

تاريخ الميلاد : 11/02/2000

تاريخ التسجيل : 26/04/2013

العمر : 17

الموقع : مصر أم الدنيا

احترام قوانين المنتدى100%
في الخميس 06 يونيو 2013, 8:49 am
موضوع مميز يسلمو حبيبي ع الموضوع الروعه

رد: (وانها لكبيرة الا على الخاشعين)

#4
avatar
EL Prins MiDo

ذكر

الجوزاء

عدد المساهمات : 358

نقاط النشاط : 8368

التقييم : 0

تاريخ الميلاد : 06/06/1998

تاريخ التسجيل : 04/06/2013

العمر : 19

احترام قوانين المنتدى50%
في الخميس 06 يونيو 2013, 8:59 am
تسلم ايدك ع التوبيك الرووعه ننتظر جديدك!!

رد: (وانها لكبيرة الا على الخاشعين)

#5
avatar
DzX Ibda3

ذكر

الجدي

عدد المساهمات : 1001

نقاط النشاط : 9015

التقييم : 0

تاريخ الميلاد : 01/01/1996

تاريخ التسجيل : 04/06/2013

العمر : 21

احترام قوانين المنتدى100%
في الخميس 06 يونيو 2013, 9:07 am
شككرآ لكك
آبدععت صديقى
سلمت آنآملكك وآآًصل

رد: (وانها لكبيرة الا على الخاشعين)

#6
avatar
Admin

 مؤسس المنتدي
ذكر

عدد المساهمات : 1694

نقاط النشاط : 25648

التقييم : 28

تاريخ التسجيل : 25/06/2012

احترام قوانين المنتدى100%
https://www.wara4.com
في الخميس 06 يونيو 2013, 10:11 am
بارك الله فيك
التوقــيـــــــــــــــــــــع


لمراسلة ادارة احلى ورش بأمور خاصة لا تراها غير الادارة من هنا
للشكوي على احد افراد فريق احلى ورش من هنا

رد: (وانها لكبيرة الا على الخاشعين)

#7
1BlaCk GlaSs

بصمة خالدة
ذكر

القوس

عدد المساهمات : 901

نقاط النشاط : 9799

التقييم : 3

تاريخ الميلاد : 19/12/1990

تاريخ التسجيل : 20/01/2013

العمر : 26

الموقع : www.a-twer.com

احترام قوانين المنتدى100%
في الخميس 06 يونيو 2013, 10:11 am
شكرا لك

رد: (وانها لكبيرة الا على الخاشعين)

#8
ZezO Design

بصمة خالدة
ذكر

السرطان

عدد المساهمات : 1767

نقاط النشاط : 12162

التقييم : 3

تاريخ الميلاد : 14/07/1991

تاريخ التسجيل : 01/09/2012

العمر : 26

احترام قوانين المنتدى100%
في الخميس 06 يونيو 2013, 1:01 pm
بوركت اخى الكريم موضوع اكتر من رائع

رد: (وانها لكبيرة الا على الخاشعين)

#9
avatar
23DaaM

بصمة خالدة
ذكر

العقرب

عدد المساهمات : 382

نقاط النشاط : 21384

التقييم : 9

تاريخ الميلاد : 18/11/1995

تاريخ التسجيل : 02/07/2012

العمر : 21

الموقع : http://www.ahlawarsh.net

احترام قوانين المنتدى100%
في الجمعة 07 يونيو 2013, 6:09 pm
شـكراً لك ..

رد: (وانها لكبيرة الا على الخاشعين)

#10
avatar
MaSteR

بصمة خالدة
ذكر

الميزان

عدد المساهمات : 1657

نقاط النشاط : 9559

التقييم : 7

تاريخ الميلاد : 22/10/1997

تاريخ التسجيل : 03/07/2013

العمر : 19

احترام قوانين المنتدى100%
في الأربعاء 03 يوليو 2013, 10:56 pm
شكراً لموضوعك وان شاء الله يكون فى ميزان حسناتك

رد: (وانها لكبيرة الا على الخاشعين)

#11
avatar
2MeR Dz

بصمة خالدة
ذكر

الدلو

عدد المساهمات : 2206

نقاط النشاط : 10209

التقييم : 13

تاريخ الميلاد : 07/02/1996

تاريخ التسجيل : 17/06/2013

العمر : 21

الموقع : في قلب احلى ورش

احترام قوانين المنتدى100%
http://www.ahlawarsh.com/
في الأحد 07 يوليو 2013, 1:57 am
تسلم ايدك ع التوبيك الرووعه ننتظر جديدك!!

رد: (وانها لكبيرة الا على الخاشعين)

#12
ZezO Design

بصمة خالدة
ذكر

السرطان

عدد المساهمات : 1767

نقاط النشاط : 12162

التقييم : 3

تاريخ الميلاد : 14/07/1991

تاريخ التسجيل : 01/09/2012

العمر : 26

احترام قوانين المنتدى100%
في الأحد 07 يوليو 2013, 5:35 am
شكرا لك على الموضوع الاكتر من رائع
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى