0%
10.0
ترقبوا عودتنا بقوة مرة أخرى انتظرونا

  • أفضل 4 أعضاء في الأسبوع
  • أفضل 4 أعضاء في الشهر

شاطر
استعرض الموضوع السابقاذهب الى الأسفلاستعرض الموضوع التالي

هنتكلم عن قوة الاراده

#1
avatar
نورالدين

ذكر

العقرب

عدد المساهمات : 267

نقاط النشاط : 9074

التقييم : 0

تاريخ الميلاد : 03/11/1995

تاريخ التسجيل : 30/03/2013

العمر : 21

احترام قوانين المنتدى100%
في الأحد 31 مارس 2013, 11:24 am
اتفقنا اننا هنتكلم عن قوة الاراده واكيد كتييييييير منكم بيقولوا ايه علاقة قوة الاراده بالصفحه الجديده ايلي بنفتحها مع ربنا
بصي بقى ياقمر انتي وهي
لو فكرتي كده هتلاقي نفسك اوقات تضعفي وتحسي بفتور واوقات تكسلي واوقات متعرفيش تصبري وحاجات كتيييييير
كلللللللل دا محتاج قوة اراده
حملتنا اساسا قايمه على ارادتك القويه لان كل بنوته بتغير نفسها بنفسها محدش بيساعدها غير ربنا وارادتها
ولو عندك مشكله ف ارادتك هتقعي للاسف مع اول مشكله هتواجهك
وايلي عماله تبني فيه بالايام وتقوي علاقتك مع ربنا ممكن اوي تنهار مع اول هزة تقابلك وتخليكي تفقدي ثقتك بنفسك وبقدرتك وبرغبتك ف تحقيق حلمك
ولازم تعرفي ان الحياة من غير انجاااااااااز ومن غير هدف تحققيه طعمها وحش اووووووووووي اكتر ماهي وحشه اصلا ههههههه
(ومن أراد الآخرة وسعى لها سعيها وهو مؤمن فأولئك كان سعيهم مشكوراً "19" الاسراء

تفتكري انتي محتاجه قوة ارادة لايه؟؟؟؟؟؟؟
1/العبادات
دي محتاجه اراده قوية اوووووووووي انك تداومي عليها وتحطي الجنه فيها هدف قصادك اوعي تنسي الهدف دا ف لحظه
2/ لتحقيق هدفك
مفيش مننا بنوته معندهاش هدف مستحيييييييييييييييييييل واحنا قولنا ف اول مرة خالص اهدافنا سوا
اكيد نفسك ف حاجه تحققيها والحاجه دي محتاجه قوة ارادة عشان توصليلها
3/الراحه
انتي بطبيعتك بتحبي الراحه والراحه دي هتوصلك لكسل والكسل دا هيوصلك انك حتى تكسلي تصلي وتعملي اي حاجه ف حياتك
علشان كده انتي محتاجه تقوي ارادتك عشان تقاومي الكسل والراحه
4/خوفك ع المستقبل وحزنك ع الماضي
اوقات من كتر ماحنا خايفين ياترا هيحصل ايه بكرا ...ياترا حلمي هيتحقق ؟؟..ياترا انا هقدر انسى ايلي حصل ...انا اتظلمت كتييييييييير وتعبت اكتر خلاص مش قادره اعيش ف الدنيا دي مش عايزة منها حاجه...وتبدئي بقى تيئسي ويجيلك احباااااااط وتحسي بخنقه وملل وانك عايشه غصب عنك لانك ملكيش هدف ف حياتك
لو ملكيش هدف ف حياتك يا ستي خلي ليكي هدف في اخرتك واسعيله
متسكتيش غير لما توصلي لهدفك


عايزة اسالكم سؤال
انا لو جيت سالت البنوته ايلي لسه بتدرس منكم انتي مش بتذاكري كويس ليه؟
اصل ظروفي وحشه يانسمة ومش فارقه هو ايلي ذاكر عمل ايه يعني اهي حياة وبنعيشها وعيشه تقرف استغفر الله
ولو سالت الاستاذة ايلي بتشتغل..مش بتشتغلي بضمير وبجد ليه؟
مانتي عارفه بقى يا نسمة الظروف وخلاص كله محصل بعضه وايلي هيشتغل كويس هيتساوي بايلي مش بيشتغل وبيأمع باميه برده وحقي هيضيع فهتعب نفسي ليه!!!
لو جيت سالتك..انتي مش مهتمه بجوزك ليه؟
يووووووه يانسمة ماهو مش فارقه هو كده كده عينه زايغه هطلع انا حلوة ولا وحشه مش هتفرق معاه هو بصباص اصلا
وانتي وانتي وانتي
ظروفي وحشه اصل انا لسه متجوزتش /اصل انا اتجوزت وجوزي طلع وحش/اصل انا اطلقت وبربي ف عيالي ظروفي وحشه
ظرووووووووووفي وحشششششششششه وخلااااااااااص واستسلمتي ورضيتي بوضعك وبقت دي حياتك
وسبحان الله ديما منجيبش الغلط علينا ونرميه على شماعه الظرووووووف والجوابات!!!

ثواني يانسمة بقى معلش انا عندي رد على كلامك دا ومش من عندي هقولك حاجه علم النفس اثبتها ووريني بقى هتعرفي تردي على علم النفس ولالا عشان تبطلي هجوم!!
انا قريت يانسمة في علم النفس ان في 3 حاجات بتأثر علينا وعلى حياتنا وبتحكم كل تصرفاتنا وان كل حاجه بنعملها ف حياتنا هي رد فعل مش اكتر واحنا ملناش ذنب فعلا وهقولك ال 3 حاجات بقى:
1/المؤثر الجيني:
استنى رايحه فين اسمعي للاخر قبل ما تقولي بلاش كلام عقد وكلاكيع
دا يعني الجينات الوراثيه ..يعني مثلا لو فلانه جدها كان بخيل فهي هتطلع زيه غصب عنها وراثه بقى ربنا خلقها كده
2/المؤثر التربوي:
يعني باباكي ومامتك ربوكي ازاي عودوكي على ايه ...يعني الولد ايلي بيشوف باباه بيضربه وهو صغير او بيشوف باباه بيضرب مامته هيطلع زيه لما يكبر هيضرب مراته وعياله
3/المؤثر البيئي:
يعني واحد كان بيعرف ربنا ومكانتش اللفظ الوحش بيطلع منه فجأه دخل ف جروب واتعرف على ناس بتشتم وبتشرب سجاير مثلا فاتعلم منه وبقى وحدة وحدة زيهم

شوفتي بقى يانسمة متقعديش بقى تتكلمي وخلاص يابنتي احنا ملناش ذنب ف ظروفنا
ظروفنا هي ايلي حكمانا ودا علم النفس اثبت برائتنا واحنا كده مظلومين الحمد لله هييييييييه

طيب انا سيبتك تتكلمي ممكن تديني فرصه ارد على كلامك وشوفي انهي منطقي اكتر كلامي ولا كلامك..اوك؟
انتي دلوقتي شايفه انك مظلومه والظروف هي السبب ودا كلام علم النفس وانتي مقتنعه بيه هقولك كلامك صح جدااااااااا ومعاكي حق بس قبل ما اعلن فشلي ف اقناعك هسألك سؤال:
يوم القيامه ربنا هيحاسبنا ليه وعلى ايه؟

هو انتي فاكرة انك هتتحاسبي ع الصلاة بس؟؟؟ لالالالالالالالالا دا كل حاجه هتتحاسبي عليها وكل كلمة وكل وقت ضيعتيه وكل لحظة يأس دبت جواكي
لو زي ما بتقولي ملناش حيله والظروف حكمانا يعيني واحنا مظلومين..اومال هنتحاسب ليه جاوبيني ..يعني لما انتي رد فعل لظروف معينه خلاص بقى هتقولي لربنا يعني معلش يارب حاسب ظروفي متحاسبنيش!!!!!!!!!!!
اصل انا مظلومه ظروفي وحشه اعمل ايه يعني هقطع نفسي ياناس
للاسف كل الكلام ايلي فوق دا غلط وعلم النفس على عيني وراسي بس كلام ربنا فوق اي حاجه وكلام الرسول ايلي هعرفك علي كلامهم كمان شويا
بس الاول لازم تفهمي ان قصاد كل ظروفك الوحشه ربنا اداكي امكانيات وهي دي ايلي هيحاسبك عليها هيقولك انا اديتك امكانيات مديتهاش لحد غيرك من المخلوقات متصرفتيش بيها ليه؟؟
امكانيات ايه يانسمة
1/ الاراااااااااااااااادة
طاقة جواكي جبااااااااااااااااااارة ربنا فجرها فيكي وانتي للاسف مش بتستعملي غير 30 في الميه منها!!!!!!!
ومش هاين عليكي تطلعي الباقي لان الكسل جواكي والاستسلام لكلمة ظروفي وحشه
2/ قوة ايمانك
ثقتك بالله المفروض تخلي طاقتك الجبارة اصلا اضعااااااااااااف طاقتها ايلي ربنا انعم عليكي بيها
يعني لو ربنا مثلا اداكي اراده بنسبة 100 فانتي بقوة ايمانك وثقتك بالله بايدك تخليها 200
3/عقلك يا مس
ايلي ميزك بيه عن الحيوانات
الاسد بعد 20 سنه هيبقى ايه؟؟ اسد برده
طب انتي بعقلك بعد 20 سنه ممكن توصلي لايه؟؟؟ هتوصلي لهدفك والله بس ثقي بالله اكتر من كده وحكمي عقلك يعني اسعي ورا الاسباب ايلي تحققلك هدفك
هااااااا
عرفتي امكانياتك؟؟؟؟؟؟
خدي بالك هتتحاسبي عليهم قدام ربنا


طيب ازااااااااي اقوي ارادتي يانسمة؟
هقولك كذا طريقه
1/اول واهم حاجه هقولك دعاء الرسول عليه افضل الصلاة والسلام علمهولك وقالك يافلانه لو قريتي الدعاء دا صبح وليل ربنا هينجيكي من الهم والغم وهيقضي عنك دينك كمان وهيقوي ارادتك :
قولي(اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال)..
ياسلام يعني لو قولت كده مشاكلي هتتحل!!
لو قولتيها على انها وصفه ودواء من الرسول حبيبك ووصية وصاكي بيها الرسول عليه الصلاة والسلام عشان تديكي قوة وطاقه هتلاقي نفسك قومتي وانتفضتي ووحدة وحدة بقوة ارادتك هتحلي مشاكلك وتوصلي للي انتي عيزاه
وعلى فكرة الدعاء دا جه في حديث صحيح يعني كلام ثقه والله العظيم واقسم بالله الدعاء دا سحر رهيييييييب وانا مجرباه يااااااااه مفيش يوم اقوله والا يعدي اليوم دا بسلام من غير نكد سبحان الله واوقات انساه بقى يبقى يووووووووم استغفر الله العظيم منه

2/هقولك حاجه برده لو عملتيها هتتفجر جواكي الاراده... هي حاجه برده عملها الرسول وعلمها لاصحابه:
القدرة على التخيل
يعني ايه يانسمة
بصي قوليلي هدفك ايه في حياتك؟
تتقربي من ربنا /تتخرجي وتشتغلي كذا / تتخطبي تتجوزي /يكون عندك اولاد/اولادك يكونو كويسين وتعرفي تربيهم /تدخلي الجنه/ حد عنده هدف تاني ...هااااااا قولي
طيب انتي كده حددتي هدفك تمااااااااام ودي الخطوة الاولى
طيب تعملي ايه عشان توصليله؟؟ معقول هتحطي ايدك على خدك؟؟
ماحنا اتفقنا هنتوكل على الله بقلبنا بس هناخد بالاسباب ..تمااااااام
انا معاكي خطوة خطوة اهو
هتاخدي بالاسباب ازاااي؟؟
هتصلي وتعملي كل حاجه تقربك لربنا وايلي هدفها تنجح هتذاكر كويس اووووووووي وايلي عايزة تتجوز هتحسن من نفسها شويا وتكون اجتماعيه مثلا ومرحه اهي على اد ما تقدر برده بتاخد بالاسباب مع ان الجواز دا نصيب يعني ...وايلي عايزة تجيب اولاد هتعمل تحاليل وتروح لاكبر دكاترة .............
طيب نيجي بقى للقدرة ع التخيل دي يعني ايه؟؟؟
يعني لما تحددي هدفك تخيليه بقى قصادك
يعني قولي مثلا دانا لما انجح واشتغل في الوظيفه دي هعمل كذا وكذا ان شاء الله وارسمي خطتك
وقولي دانا لما اتخطب او اتجوز هعمل كذا وكذا وهعامل جوزي كذا
وقولي لما يبقى عندي اولاد بقى هسجد شكر لربنا و هربيهم بالطريقه كذا وكذا
ارسمي خططي واحلمي وتفائلي......ركزي في الاربع كلمات دول بالله عليكي
وبالنقطه دي بالذاااااات بقى اسمعيني كويس اووووووي:
انتي عندي عقلين!!!
عقل واعي ... هو ايلي بيختار كل حاجه
وعقل لا واعي ايلي هو العقل البااااااااااااااااطن ..ودا بقى ربنا خلقه ليييييييه؟؟
ربنا مخليه يصدق كل حاجه انتي مصدقاها يعني لو اقنعتيه انك تنجحي وانتي مصدقه الحلم دا وواثقه في ربنا وفي نفسك انك هتوصلي للحلم دا هتوصليله لان عقلك الباطن هيفرز انزيماته على ان الحلم دا حقيقه مش خيال وبكده هتلاقي نفسك من غير ماتحسي بقيتي قوية اكتر فهتنجحي بمشيئة الله في الاول والاخر
وسبحان الله العقل الباطن دا بيشغل 90 في الميه من دماغك اصلا!!!! يعني هو الاساس بس محدش عارف
يابنات دا علم استفيدوا من العلم دا مش تخريف

3/تالت حاجه تخلي ارادتك تقوى برده اكييييييييد ايمانك بالله زي ما لمحت عنه
ثقتك في ربنا انه هينصرك وانه جنبك في كل لحظة وانه قريب اووووووي ليكي اقرب من دمك وثقتك في انه مش هيخذلك
4/مقاومة الذنوب
5/تنظييييييييييييييييييييم الوقت
دي حاجه مهمه اساااااس الحياة مستحيل توصلي لهدفك الا عن طريق تنظيم الوقت مستحيل تقوى علاقتك بربك الا لو انتي منظمه وقتك وحاسه بقيمته وانا اتكلمت ف النقطه دي كتييييير وعملنا جداول كمان
دا حتى ربنا امرك انك متقعديش فاضية: (فاذا فرغت فانصب والى ربك فارغب)

الايه دي بتعدي عليها كتييييييير عمرك فكرتي ف معناها؟؟
معناها انك حتى لما تخلصي عمل سابق مثلا فلازم تبدئي بعمل جديد تتعبي فيه وتنشغلي بيه وتخلي كل سعي ليكي على هدف ..هدفك منه تحقيق رضا الله
6/العبادات
العبادات هتقوي ارادتك اوووووووووي خصوصا نجاحك فيها
زي صلاة وذكر الله بيقوي القلب والصيام سبحان الله بيقوى الاراده
7/ عدم الغضب
قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَيْسَ الشَّدِيدُ بِالصُّرْعَةِ , إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ "
يعني ايه صرعه؟
يعني بطل المصارعه
والرسول عليه الصلاة والسلام يقصد يقول ان مش المصارع هو ايلي يستحق نقول عليه شديد انما ايلي يستحق بجد هو قوي الاراده ايلي قدر يمسك نفسه عن الغضب ونجح يغلب اقوى الدوافع جواه

8/الصبر ودا برده اتكلمنا عنه يابنات



باقي حاجتين وخلاص لازم تحطيهم قدامك علطووووووول
1/ حديث قوي اوي للرسول عليه الصلاة والسلام:
عن أبي هريرة رضي الله عنه قال: قال رسول الله -صلى الله عليه وسلم- المؤمن القوي خير وأحب إلى الله من المؤمن الضعيف وفي كل خير, احرص على ما ينفعك واستعن بالله ولا تعجز وإن أصابك شيء فلا تقل لو أني فعلت كذا لكان كذا وكذا ولكن قل: قدر الله وما شاء فعل فإن لو تفتح عمل الشيطان . رواه مسلم .

يعني متستسلميش اوعي تحسي باحباط ف اي حاجه خليكي قوية ومتقوليش ياريتني

2/ كلام جميل قاله ابن القيم: على قدر نية العبد وهمته ومراده ورغبته يكون توفيق الله ومعونته فالمعونه من الله تتنزل على العباد على قدر هممهم وعلى قدر ارادتهم وعلى قدر نواياهم.
يعني على اد نيتك وارادتك فربنا هيعينك ويقف معاكي (ان الله لا يضيع اجر من احسن عملا)


ها ناوية تطلعي ارادتك كلها امتى؟

متبصيش تحت قدمك عشان هتقعي خليكي بصة لهدفك قصادك وصدقيني المتعه مش ف وصولك لهدفك على اد ماهي في تعبك عشان توصلي


انا كده خلصت
الواجب
كل بنوته تقول هدفها تاني علشان تفتكره وتقوي ارادتك بيه
وقولي وصلتي قبل كده لهدف من اهدافك ولالا وحسيتي بايه لما وصلتي

وانا هبدأ اهو انا اهدافي حاليا اوصل لرضا ربنا عليا واشوف الرسول بالمنااام واشتغل واحس ان ليا كيان وبعمل حاجه لنفسي وبلدي واني اتجوز انسان يراعي ربنا فيا واجيب بنت واسميها شهد واعلمها كل حاجه عن دينها وادخل الجنه دا اقصى هدف ليا
واهدافي ايلي اتحققت الحمد لله
حلمت ف مرة اجيب في الثانوية العامه 95 في الميه عشان اعرف ادخل الكليه ايلي بحلم فيها في ادبي (الالسن)
ذاكرت وتعبت والحمد لله جبت 98 في الميه وطلعت الاولى ع الادارة واستضافوني كمان في الجرايد ولسه معايا الجرايد محتفظه بيها وعملوا معايا حوار فيها ودخلت الكلية ايلي حلمت بيها ... مهما شكرت ربنا قليل الحمد لله انا كل ما احس بفشل او احباط اني مش هعرف احقق ايلي انا عيزاه خلاص بفتكر فرحتي بحلمي ايلي ربنا حققهولي واحس اني بقيت اقوى واقوى وبتفائل اووووووي

ادعولي ربنا يريحني من حيرتي وحزني

على فكرة ان شاء الرحمن هنبدا من المره الجايه سلسله محاضرات عن الاسرة ..هنتكلم عن طاعتك لمامتك وباباكي وهنتكلم عن ايه المواصفات بتاعه شريك حياتك ايلي لازم تحطيها اولويات ليكي وهنتكلم عن فترة الخطوبة وكتب الكتاب وعن فترة الزواج وازاي تسعدي زوجك ونفسك وهنتكلم عن ازاي تربي اولادك

رد: هنتكلم عن قوة الاراده

#2
avatar
Dr.AsheK

ذكر

الحمل

عدد المساهمات : 1131

نقاط النشاط : 10524

التقييم : 2

تاريخ الميلاد : 19/04/1998

تاريخ التسجيل : 24/03/2013

العمر : 19

الموقع : E G Y P T

احترام قوانين المنتدى100%
في الخميس 06 يونيو 2013, 12:05 am
شككرآ لكك
آبدععت صديقى
سلمت آنآملكك وآآًصل

رد: هنتكلم عن قوة الاراده

#3
ZezO Design

بصمة خالدة
ذكر

السرطان

عدد المساهمات : 1767

نقاط النشاط : 12157

التقييم : 3

تاريخ الميلاد : 14/07/1991

تاريخ التسجيل : 01/09/2012

العمر : 26

احترام قوانين المنتدى100%
في الخميس 06 يونيو 2013, 2:56 pm
بوركت اخى الكريم بارك الله فيك موضوع اكتر من رائع

رد: هنتكلم عن قوة الاراده

#4
avatar
23DaaM

بصمة خالدة
ذكر

العقرب

عدد المساهمات : 382

نقاط النشاط : 21379

التقييم : 9

تاريخ الميلاد : 18/11/1995

تاريخ التسجيل : 02/07/2012

العمر : 21

الموقع : http://www.ahlawarsh.net

احترام قوانين المنتدى100%
في الجمعة 07 يونيو 2013, 2:33 pm
شكـراً لك ..

رد: هنتكلم عن قوة الاراده

#5
avatar
m.r:new

ذكر

الحمل

عدد المساهمات : 433

نقاط النشاط : 8426

التقييم : 0

تاريخ الميلاد : 01/04/1990

تاريخ التسجيل : 06/06/2013

العمر : 27

احترام قوانين المنتدى100%
في الجمعة 07 يونيو 2013, 6:35 pm
مشكووور علي الموضوع الاكثر من رائع وننتظر جديدك وابداعاتك

رد: هنتكلم عن قوة الاراده

#6
avatar
MaSteR

بصمة خالدة
ذكر

الميزان

عدد المساهمات : 1657

نقاط النشاط : 9554

التقييم : 7

تاريخ الميلاد : 22/10/1997

تاريخ التسجيل : 03/07/2013

العمر : 19

احترام قوانين المنتدى100%
في الخميس 04 يوليو 2013, 12:20 am
شكراً لموضوعك وان شاء الله يكون فى ميزان حسناتك

رد: هنتكلم عن قوة الاراده

#7
avatar
2MeR Dz

بصمة خالدة
ذكر

الدلو

عدد المساهمات : 2206

نقاط النشاط : 10204

التقييم : 13

تاريخ الميلاد : 07/02/1996

تاريخ التسجيل : 17/06/2013

العمر : 21

الموقع : في قلب احلى ورش

احترام قوانين المنتدى100%
http://www.ahlawarsh.com/
في الأحد 07 يوليو 2013, 1:41 am
تسلم ايدك ع التوبيك الرووعه ننتظر جديدك!!

رد: هنتكلم عن قوة الاراده

#8
ZezO Design

بصمة خالدة
ذكر

السرطان

عدد المساهمات : 1767

نقاط النشاط : 12157

التقييم : 3

تاريخ الميلاد : 14/07/1991

تاريخ التسجيل : 01/09/2012

العمر : 26

احترام قوانين المنتدى100%
في الأحد 07 يوليو 2013, 5:43 am
شكرا لك على الموضوع الاكتر من رائع
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى