ترقبوا عودتنا بقوة مرة أخرى انتظرونا


شاطر
استعرض الموضوع السابقاذهب الى الأسفلاستعرض الموضوع التالي

عتآب مجنون ..

#1
avatar
زائر
زائر
في الثلاثاء 20 أغسطس 2013, 11:22 am

لسَّه بقرا الليل حروف جوَّه صفْحات النهار
لسَّه حاضنة الانتظار.. عايشة بحلم بالربيع
واليوم يضيع... لسَّه بحلم بين ساعاته
لسَّه شايفة النور بيجري من بعييييد
رايح لضلمة تْسوّرُه
ما اللِّيل هِنا...أصلاً ضعيف
علشان ملوش جدران حديد
لسَّه بتفرج عليك واقعد أحلم من جديد
********************
صبَّح على زمن الغُنا
والمْواويل اللي شرْبت م الجراح...مليون صباح
وادّيلُه من كفِّ المقَدّر
لقمة حنان....
لسَّاه جعان....
ونا لسَّه دايقة الغدر صابح
جوَّه شهد الذكريات
والغريب...لسَّاك بتسأل من سكات
على بصتي لعْنيك تملِّي!!
وانت شمسي وانت ضلِّي
منتَ مش عارف خيانتك عاملة إيه فوق الملامح!!
بص شايف؟!هيَّا سايبة كم علامة!!
ع الخد حبّة وْ ع الشفايف


*********************
إيه اللِّي خلّى الكون يثور
على فجر عايش طول حياته.. بين ضلوعك
يسْرق بياضُة ....ويْجيب قُصادُه
ليلْ وِشايل نِنّ عينُه...ألف سور
تِفْضل آهات وِشْموع هوا..
...على كل حبّات الهوا..
لاهي عارفة تصرخ بالأوي
ولا حتى يضوي هواها نور
**********************
ليه كنت انا؟؟!!!
ليه كنت انا وْمكانِتْش هيَّا؟!!
والغدر كان حظي أنا!!!
شوف كم سنة!!!
ونا عايشة بَرْسِم يوم في قربك!!
ليه خُنت دقّات الفرَح جوَّه العيون؟.!!
وازاي تخون؟!!!
********************
نسِّي عيني نسِّي روحي_ لون تقاطيعك ورسمك
نسِّي قلبي طعم حسِّك
امحي حلم حلمته وحدي جوّه قلبك
لمّا كان حلمي ابتسامتك تترسم فوق القمر
..لمَّا أمَر...
لمّا هلِّ وْقام ينادي بعلو حسُّه انك تجيله
تفرد شراع الشوق وترمي
كلّ ليلَة من حياتك... جوَّه قلب النيل وليلُه
لمَّا جه يومها السّهر يحلف بإسمي
فرحة لقاكي مشوفتهاش!!!...
نسِّي عُمر وهبتُه ليك_كل كلمة حبّ حلوة
إنتَ لسَّه مقولتهاش

رد: عتآب مجنون ..

#2
avatar
الادارة كريم

ذكر

القوس

عدد المساهمات : 765

نقاط النشاط : 10868

التقييم : 3

تاريخ الميلاد : 15/12/1994

تاريخ التسجيل : 05/06/2013

العمر : 23

الموقع : www.muslims-j.com

احترام قوانين المنتدى100%
http://www.muslims-j.com
في الأربعاء 05 مارس 2014, 2:06 pm
موضوع رائع
شكرا

رد: عتآب مجنون ..

#3
avatar
Mohamed Dz

عضو مطرود
ذكر

الدلو

عدد المساهمات : 233

نقاط النشاط : 5580

التقييم : 0

تاريخ الميلاد : 21/01/2000

تاريخ التسجيل : 25/12/2015

العمر : 18

احترام قوانين المنتدى100%
في الجمعة 25 ديسمبر 2015, 5:04 pm
موضوع رائع 

تسلم على المجهود
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى
Top